На прадпрыемстве праводзіцца эфектыўная работа па ўзаемадзеянні з партыямі БП "Белая Русь" і ЛДПРБ, грамадскімі арганізацыямі: прафсаюзная арганізацыя Белхімпрафсаюза, першасная арганізацыя з правамі раённага камітэта ГА "БРСМ", арганізацыя па тэрытарыяльна-вытворчаму прынцыпу РГА "Белая Русь", першасная арганізацыя ветэранаў вайны і працы, першасная арганізацыя ГА "Беларускі саюз ветэранаў вайны ў Афганістане", ГА "Беларускі саюз жанчын".
ААТ "Белшына" актыўна супрацоўнічае з грамадскімі арганізацыямі "Беларускае таварыства Чырвонага Крыжа" і "Беларускі Фонд міру".
Грамадскія арганізацыі аб'ядноўваюць працоўны калектыў, далучаючы яго да актыўнага грамадскага жыцця прадпрыемства. Асноўнымі напрамкамі дзейнасці грамадскіх арганізацый з'яўляюцца: фарміраванне актыўнай грамадзянскай пазіцыі, сацыяльная абарона членаў працоўнага калектыву, стварэнне ўмоў паўнацэннай працы і адпачынку, фарміраванне здаровага ладу жыцця, арганізацыя аздараўлення супрацоўнікаў, работа з моладдзю.
Беларуская партыя "Белая Русь"
Дырэктар завода масавых шын Русецкі Юрый Віктаравіч з'яўляецца старшынёй Першамайскага раённага аддзялення Бабруйска Магілёўскай вобласці БП "Белая Русь". Колькасць шыннікаў, сябраў партыі – 167 чалавек.
Ліберальна-Дэмакратычная партыя Рэспублікі Беларусь
Кантралёр на КПП аддзела ведамаснай аховы Загрышаў Уладзімір Уладзіміравіч з'яўляецца старшыня Бабруйскай гарадской арганізацыі Ліберальна-дэмакратычнай партыі. Колькасць пяршоўкі ЛДПРБ – 48 чалавек.
Прафсаюзная арганізацыя
Прафсаюзны камітэт ААТ "Белшына" ўзначальвае старшыня Манько Ігар Сяргеевіч. Дзейнасць прафсаюзнай арганізацыі ахоплівае ўсе кірункі жыцця калектыва.
У яе ўваходзіць 99,9% супрацоўнікаў прадпрыемства.
Дзве прафсаюзныя арганізацыі – ЗКГШ і ЗМШ – надзелены часткай правоў першаснай арганізацыі, з'яўляюцца юрыдычнымі асобамі, маюць рахункі ў банку, зарэгістраваныя ў Бабруйскім гарвыканкаме.
Працу па ажыццяўленні грамадскага кантролю па ахове працы ў ААТ «Белшына» праводзіць 7 камісій па ахове працы, 45 грамадскіх інспектараў.
Першасная арганізацыя з правамі раённага камітэта ГА "БРСМ"
Першасная арганізацыя ГА "Беларускі рэспубліканскі саюз моладзі" ААТ "Белшына" з правамі раённага камітэта аб'ядноўвае 513 маладога шынніка. Сакратар пяршоўкі Свірыд Анастасія Аляксандраўна.
Саюз моладзі дае магчымасць маладым людзям праявіць сябе, раскрыць свае арганізатарскія здольнасці і таленты, вырасці моцнай і актыўнай асобай.
Фарміраванне грамадзянска-патрыятычных і духоўна-маральных каштоўнасцей праводзіцца праз актыўны ўдзел у грамадска значных гарадскіх, абласных і рэспубліканскіх мерапрыемствах, дабрачынных акцыях, экскурсійных турах па гістарычных і памятных мясцінах.
Выхаванню ў моладзі нацыянальнай і грамадзянскай самасвядомасці, павагі да гісторыі, культуры, традыцый свайго народа, гераічнаму мінуламу нашай Радзімы, клопату аб ветэранах, захаванні пераемнасці пакаленняў спрыяюць удзел у такіх акцыях і мерапрыемствы як: "Дзякуй за Перамогу!", "Квiтней Беларусь," «Звон смутку», «Кветкі Вялікай Перамогі».
Арганізацыя па тэрытарыяльна-вытворчаму прынцыпу РГА "Белая Русь"
Адной з найбуйнейшых у Рэспубліцы Беларусь з'яўляецца Арганізацыя па ГПП РГА "Белая Русь" ААТ "Белшына", яе колькасць складае 734 чалавекі, старшыня Трафімавіч Мікалай Іванавіч. Арганізацыя ўключае 6 першасных арганізацый, створаных у структурных падраздзяленнях прадпрыемства. Вялікая ўвага ў арганізацыі надаецца патрыятычнаму і духоўнаму выхаванню, спазнанню гістарычнага мінулага нашай Радзімы, спартыўна-аздараўленчай і культурна-масавай рабоце.
Пастаянныя мерапрыемствы: спартакіяда «Абаронца Айчыны», паездкі «Па месцах баявой славы Рэспублікі Беларусь», наведванне Бабруйскага краязнаўчага музея, удзел у рэспубліканскай акцыі «Аднавім лясы разам»».
Уручэнне членскіх білетаў РГА "Белая Русь" заўсёды праходзіць ва ўрачыстай абстаноўцы на рабочых месцах у прысутнасці кіраўнікоў і членаў працоўнага калектыву.
Першасная арганізацыя ветэранаў вайны і працы
Пад пільнай увагай першаснай ветэранскай арганізацыі прадпрыемства знаходзіцца больш за 5000 ветэранаў працы.
Старшыня Сэнсаў Віктар Аляксандравіч.
Савет ветэранаў пастаянна праводзіць абследаванне сацыяльна-бытавых умоў пражывання ветэранаў - удзельнікаў Вялікай Айчыннай вайны, якія раней працавалі ў ААТ "Белшына".
На 01.01.2025 арганізацыя налічвае 1 удзельніка Вялікай Айчыннай вайны, 1 партызана, 2 працаўніка тылу і 30 вязняў.
Тым, хто мае патрэбу, аказваецца неабходная дапамога і садзейнічанне ў правядзенні рамонтных работ і ўладкаванні побыту.
Ветэранам працы прадастаўляюцца льготныя пуцёўкі для аздараўлення ў санаторыі "Шыннік". Набываюцца білеты на культурна-масавыя мерапрыемствы. Арганізоўваюцца экскурсійныя паездкі па гістарычных і памятных мясцінах Беларусі.
Першасная арганізацыя ГА "Беларускі саюз ветэранаў вайны ў Афганістане"
На 01.02.2025 года - складаецца 70 воінаў-інтэрнацыяналістаў, у тым ліку работнікі прадпрыемства - 34 чалавекі, УГП "БелшынаТранс" - 10 чалавек, пенсіянераў - 26.
Старшыня - Хроп Барыс Іванавіч.
Беларускі саюз жанчын
Старшыня пяршоўкі - галоўны рэдактар газеты "Шыннік" Калініна Аляксандра Уладзіміраўна, колькасць на 01.02.2025 - 5 чалавек.
падбор шын